Ginrelieve si Police Col Criscent Tiguelo, bilang Regional Director sang Negros Oriental Police Provincial Office epektibo subong nga adlaw, Enero 12, 2026.
Ini kasunod sang shooting incident sa banwa sang Sibulan kun sa diin, napatay ni Police Staff Sgt Bonifacio Saycon ang Guest Relations Officer (GRO) nga si Chiela Mae Dinawanao sang Enero 9.
Nga nasundan pa sang pagpatay sini sa tatlo ka pulis, kalakip ang hepe nga si Police Captain Jose Edrohil Cimafranca kag sanday Police Senior Master Sgt Tristan Chua kag Patrolman Rey Albert Temblor.
Sa press release sang Police Regional Office- Negros Island Region, ang pagrelieve ang kabahin sang command responsibility sang Philippine National Police, sa tinutuyo nga mapabilin ang pagsalig sang publiko sa patas nga imbestigasyon sa kaso.
Gindesignar naman bilang NOrPPO officer-in-charge si Police Colonel Lito Patay, nga Deputy Regional Director for Operations sa PRO-NIR.
