Natalana nga makabaton sang panublion si Brazilian football legend Neymar Jr. nga kapin $1.1 million matapos nga napilian siya nga tagapagmana sang single nga bilyonaryo nga wala pa sini nakilala.
May yara sang esturya nga may isa ka bilyonaryo nga nagbilin sang iya manggad sa pigado nga amo nagpabag-o sa iya kabuhi.
Kalabanan sa aton nagahandum nga matabo ini sa aton apang ang Brazilian footballer nga si Neymar Jr. aktwal nga naka-agom sang ini nga handum.
Ini kasunod sa report nga siya magabaton sang $1.14 billion nga panublion halin sa lalaki nga napatay sang nakaligad lang.
Santo sa report, ang will na- formalised sa isa ka opisina sa Porto Alegre kag na-authenticate sang Hunyo 12 sa atubang sang duha ka witness nga present.
Ang anonymous billionaire nga lalaki single kag wala sang bata kag ginpili sini si Neymar Jr bilang iya tagapagmana apisar nga wala pa sila maka-agi nagkit-anay.
Ang 33 anyos nga si Neymar wala pa nakahatag sang comment sa ini nga hitabo apang siya ipa-idalum sa legal complications bisan nga naaprubahan na sang korte sa Brazil ang will.
Sa karun may yara sang net worth nga $300 tubtob $330 million si Neymar kag kun makuha sini ang ginpanubli sa iya, mahimo mangin bilyonaryo ang iya status gilayon.
Santo pa sa report ang bilyonaryo naga-idolo kay Neymar bilang footballer kag mapinalanggaon sa iya pamilya ilabi na sa relasyon sini sa iya amay nga nagapadumdum sa bilyonaryo sa iya man amay sadto nga buhi pa.
Ang dako nga inheritance, nareport nga ginalakipan sang assets, properties, investments, kag shares sa profitable companies.
