BACOLOD CITY – All systems go na ang Negros Island Region Athletic Association (NIRAA) Meet nga patigayunon sa ciudad sang Dumaguete, Negros Oriental sa maabot nga Pebrero 24 tubtob Marso uno.
Suno kay NIRAA Meet 2017 General Events Coordinator Adolf Aguilar, nangin masako ang nagligad nga tatlo ka adlaw kun sa diin sadtong Huebes tubtob kahapon, sunod-sunod ang pagsapol sang natungdan nga working committees nga gintulinan sang pag-preparar para sa hinampang.
Kahapon nga adlaw sang Sabado, nagpatigayon man sang Brigada Eskwela kag Brigada Opisina sa tanan nga buluthuan kag talatapan nga imbolbado sa hinampang kag agud man masiguro nga ang mga hulot-klasehan nga maga-serbe billeting areas ang handa na sa pag-akomodar sang mga atleta kag mga delegado.
Suno kay Aguilar, ginabulubanta 12 mil ka mga atleta, coaches kag chaperones, lakip na sports officials, ang magatipon sa Dumaguete para sa hinampang rason nga tuman ang ila pagpanghanda para sa NIRAA Meet.
