Nagpanguna ang Negros Occidental Police Provincial Office (NOCPPO) sa may pinakamadamo nga nadakpan nga wanted and most wanted persons sa sulod sang 15 ka adlaw nga operasyon sa bug-os nga Western Visayas.
Sa interview sang Bombo Radyo Bacolod kay Police Lt. Col. Arnel Solis, humalin sang January 1 tubtob 15, 2025 ang Police Regional Office 6 ang nakadakop sang 315 Wanted Persons sa bug-os nga rehiyon.
Sa 315, 43 diri ang gin-tag nga most wanted persons kag 272 diri ang wanted persons.
Suno kay Solis, napulo diri ang nadakpan sang Aklan Police Provincial Office ; 20 diri sang Antique Police Provincial Office; Capiz Police Provincial Office nga may 30 nga naaresto; lima ang nadakpan sang Guimaras Police Provincial Office; 62 ang nadakpan sang Iloilo Police Provincial Office; ang pinakamadamo ang nadakpan sang Negros Occidental Police Provincial Office nga nagdangat sa 149 ; 19 ang nadakpan sang Bacolod City Police Office samtang 18 naman ang nadakpan sang Iloilo City Police Office – 18; kag duha ang nadakpan sang Criminal Investigation and Detection Group – Regional Field Unit 6.
Ginpasalamatan ni Solis ang komunidad nga naghatag sang nagakaigo nga impormasyon agud nga matultulan kag madakpan ang mga wanted persons nga mabudlay tultulon kun sa diin ang mga ini ang nagapanago.
