-- ADVERTISEMENT --
Nagpasalig ang Northern Negros Electric Cooperative (NONECO) nga maghatag sang bulig sa pamilya sang 24 anyos nga lalaki nga napipilan sang natumba nga poste sa Cadiz City Public Market, Cadiz City, Negros Occidental, kapin alas-3:00 kahapon sang hapon.
Ang biktima ang ginkilala nga si alyas Xyrel, 24 anyos, kag kasado.
Sa interview sang Bombo Radyo kay Engr Wilbe Bilbao, general manager sang NONECO, nakabaton sila sang report nga may natumba nga poste kun sa diin may yara sang isa ka lalaki nga napilpilan.
Suno diri, may naglabay nga mixer truck nga nakasaga-id sa kable sang kuryente amo nga natumba ang poste.
Nadugayan naman ang pagtrabaho sang NONECO bangod main feeder ang natumba apang natinguhaan nga pabalik ang kuryente kagab-i.
-- ADVERTISEMENT --
