Nagnegatibo sa COVID-19 ang provincial director sang Negros Occidental Police Provincial Office nga nagtambong sa Anti-Drug Summit sa Bacolod sang Biyernes kun sa diin nakatambong man ang isa ka empleyado sang Department of the Interior and Local Government nga nagpositibo sa COVID test.
Suno kay Negros Occidental Provincial Administrator Atty. Rayfrando Diaz, negatibo ang COVID test ni NOPPO director Police Col. Romy Palgue.
Magluwas sa iya, negatibo man sa virus ang 17 ka mga empleyado sang DILG Negros Occidental nga nakatambong sa pagsinapol.
Ang resulta sang ila COVID test ang naggwa kahapon.
Subong nga adlaw, isa pa gid ka empleyado sang DILG Negros Occidental ang nagpaidalom man sa swab test.
Nahibaluan nga nagnegatibo man sa virus si Governor Eugenio Jose Lacson nga nakatambong man sa summit kag amo mismo ang nagdaho sang certificate sa DILG personnel nga COVID positive.
