BACOLOD CITY — Opisyal na nga nagtakop ang Palarong Panlalawigan 2017 sang Negros Occidental nga nagsugod sang Domingo.
Ang closing ceremony ang patigayunon pa kuntani subong nga adlaw apang bangud sa malain nga lakat sang panahon tuga ni Bagyo Urduja, ginkasugtan sang mga opisyal sang Department of Education nga ipaiway nalang ang closing ceremony.
Gindeklarar nga kampeon ang Negros Occidental Private Schools Sports Cultural Educational Association ukon NOPSSCEA nga may yara sang 102 ka gold medals, 65 ka silver kag 48 ka bronze.
Nagapangaduha ang Bacolod nga may 68 ka gold, 62 ka silver kag 60 ka bronze medals.
Nagapangatlo ang 4th District nga may 55 ka bulawan, 53 ka silver kag 47 ka bronze medals.
Nagapang-apat ang 3rd congressional district nga may 26 ka gold medals, 39 ka silver kag 68 ka bronze.
Yara sa ikalima nga pwesto ang 6th congressional district nga may 25 ka gold medals, 24 ka silver kag 36 ka bronze.
Suno kay Provincial Meet Coordinator Romeo Sison, madinalag-on ang pagpatigayon sang Palarong Panlalawigan.
Nagpasalamat naman ini sa tanan nga mga atleta kag mga ginikanan nga nagsuporta sa ila mga kabataan agud matigayon ang hinampang.
