Nagpalupok sang kapin 10 ka missiles ang North Korea suno sa military sa Seoul.
Ini ang natabo inadlaw matapos mag-umpisa ang 11 days annual joint military drills sang South Korea kag US.
Ginkumpirmar sang Defense Ministry sa Tokyo nag ang “multiple ballistic missiles” nga ginlunsyar sa western coast sang North Korea ang nagtupa sa gwa sang exclusive economic zone sang Japan.
Indi pa matumod kun pagpakita lang sang pwersa ang pagpalupok sang North Korea.
Madumduman nga una na nga ginkondenar sang utod nga babayi ni North Korean leader Kim Jong Un ang springtime Freedom Shield military exercises sang US kag South Korea kag nagpaandam sang malala nga konsekwensya sini.
Samtang sa bahin sang Japan, ginmanduan na ni Japanese Defense Minister Shinjiro Koizumi ang mga opisyal nga i-assess ang sitwasyon kag magpabilin nga alerto bangud ang pagpalupok ang makabig nga pagpanghangkat sa seguridad kag safety sa ila nga pungsod.
