Aminado ang Bacolod Traffic Authority Office (BTAO) nga dyutay ang mga salakyan sa dalanon bangod sa rally protest sang mga traditional jeepneys, apang madamo naman sang mga pasahero nga nagabantay sa kilid sang dalan.
Sa interview sang Bombo Radyo Bacolod kay BTAO Deputy Chief Jose Antonio ‘Jojo’ Robello, matawhay ang dalagan sang trapiko bangod dyutay ang mga salakyan
Apang magluwas sa pagmanage sang traffic ang mga enforcers ang nagaseguro man nga indi maka-obstruct sa dalanon ang mga nagarally.
Samtang nagakoordinar man sila sa City Mayor’s Office kun sa diin ang mga lugar nga may stranded nga pasahero agud mapadal-an sang libre sakay gikan sa ciudad.
Aminado man si Robello nga ginaparahan sang mga nagaprotesta ang mga nagabyahe nga traditional jeepneys, ini agud masugilanon nga mag-upod sa ila kawsa.
Nakadepende naman sa mga ini kun maga-untat sa byahe ukon magapadayun, kag ang BTAO ang wala man sang may narecord nga kinagamo ukon komprontasyon.
Ginakilala man sang mga ini ang kinamatarong sang mga traditional jeepney drivers kag operators sa pagpalab-ot sang ila concerns sa gobyerno pinaagi sa rally-protesta.
Sa pagbanta ni Robello yara sa 250 tubtob 300 ang mga traditional jeepneys nga wala nagbyahe.
Mensahe sini sa mga pasahero nga mangin pasensyoso lamang bangod ang gobyerno ang nagapangita man sang pamaagi agud makabulig.
