Naghalad sang pangamuyo ang obispo sang Diocese of San Carlos para sa mga biktima sang paglupok sang bulkan Kanlaon.
Sa pangamuyo ni Bishop Gerardo Alminaza, nagpangayo ini sa Ginoo sang pag-amlig sa tanan nga tinuga sa karun nga panahon sang kalamidad.
Nagpasalamat man ini sa tanan nga bugay nga ginhatag sang Ginoo kag pagsalig apisar sa pagpang-abuso sang tawo.
Nagpangayo man sang pagapasaylo ang obispo sa tanan nga indi maayo nga ginhimo sang tawo sa ginhatag nga bugay sang Diyos.
Nangayo man sang pag-giya si Alminaza para sa mga alagad sang brgy, ciudad, banwa, probinsya, pungsod, kag simbahan sa paghimo sang solusyon kag desisyon nga makapamaayo sa pumuluyo.
Sa katapusan, nangayo ini sang kabakod para sa tanan nga magdumdom nga magkabalaka sa isa kag isa sa karun nga may gina-atubang nga pagpanghangkat kag nagpangabay ini nga hagan-haganon ang halit nga tuga sang paglupok sang bulkan Kanlaon.
