Nagpatigayon sang pre-disaster risk assessment meeting ang Office of Civil Defense Region 6 kag Region 7 para sa preparasyon pananglitan liwat nga maglupok ang Bulkan Kanlaon.
Suno kay Irene Belle Ploteña, pinuno sang Negros Occidental Provincial Disaster Risk Reduction and Management Office, nakaligad nga semana, nakarekord sang 90 ka volcanic earthquakes sa bulklan kag nagdangat sa 5,083 tonnes/day ang gas emission sang volcanic sulfur dioxide (SO2).
Suno diri, sa ginapatigayon nga Pre Disaster Risk Assessment meeting naghatag sang updates ang Philippine Institute of Volcanology and Seismology (PHIVOLCS) sa status sang bulkan agud nga mapreparahan ang ano man nga posible nga matabo.
Nalakip sa ila nga diskusyon amo ang pagpreparar sang tubig, pagkaon, facemask kag iban pa nga mga kinahanglanon.
Apang, santo sa paglibot sang Department of Health sa area, maisog sa gihapon ang baho sang asupre amo nga ginapahanumdom sa mga residente ang paggamit sang facemask.
Sa karun, nagapabilin sa Alert Level 2 ang bulkan Kanlaon kag hugot nga gina-abisuhan ang publiko nga likawan ang pagsulod sa 4 kilometer-radius Permanent Danger Zone.
