Patay ang bag-o lamang makapauli nga overseas Filipino worker matapos mabun-an kasunod sang pagmaoy sini bangod sa impluwensya sang makahulubog nga ilimnon sa Purok Purong, Barangay Nabulao, Sipalay City kahapon sang kaagahon.
Ang biktima ang ginkilala lamang nga si Alyas Ariel samtang ang suspect ang ginkilala nga si Alyas Richard.
Sa interview sang Bombo Radyo Bacolod kay Police Lt. Cipriano Lumanog III, deputy chief of police for operation sang Sipalay City Police Station, hubog na si Ariel sang magpadulong sa isa pa ka grupo nga naga-inom inom.
Nagbuya ang biktima sang masakit nga tinaga nga nagresulta sa komosyon, nga nahimo man nga mapacify sang grupo.
Suno kay Lumanog, nagapinsar ang grupo nga okay na ang tanan, apang ginpalapitan ni Alyas Bernard ang biktima agud seguraduhon nga okay naman ini.
Apang sa baylo, nagwaras pagid si Ariel.
Bangod nakita ni Richard nga indi na masarangan ni Bernard si Ariel, ini ang na-impitu kag ginbuno ang biktima.
Nakaangkon sang buno sa natuo nga kilid kag tiyan ang OFW nga gintunaan sang iya kamatayon.
Gilayon man nga naaresto si Richard, kag kahapon, napasaka man gilayon ang kaso nga homicide.
