OFW remittances, nagsaka sang 2.6 percent sang Setyembre
-- ADVERTISEMENT --

Nagsaka sang 2.6 percent ang kwarta nga ginpadala sang Overseas Filipino Workers (OFWs) sa Pilipinas sang Septyembre 2026 suno sa Bangko Sentral ng Pilipinas (BSP).

Naglab-ot ang mga cash remittances $3.20 bilyon, gikan sa $3.12 bilyon sang Septyembre 2025.

Nagpanguna ang Estados Unidos bilang pinakadaku nga source sang remittances nga may 39.8 percent, ginasundan sang Singapore nga may 7.1 percent kag Saudi Arabia nga may 6.4 percent.

Samtang, naglab-ot naman sa $3.55 bilyon ang kabug-usan nga personal remittances, nga nagabulig sa adlaw-adlaw nga galastuhan sang mga pamilya kag sa pag-uswag sang ekonomiya sang pungsod.