-- ADVERTISEMENT --
Lauman nga may yara sang pagsaka sa presyo sang produktong petrolyo sa masunod nga semana matapos ang duha ka asod-asod nga rollback sang tinalikdan.
Santo sa apat ka adlaw nga price movement forecast, lauman nga magasaka sa presyo nga P1.30 tubtob P1.50 ang kada litro sang Diesel, P0.60 tubtob P0.80 sa kada litro sang Gasolina kag kapin P1.00 nga saka sa kada litro sang Kerosene.
Ang oil price hike ang bangod sa manubo nga oil production sa Estados Unidos kag pagpang-atake sang Houthi rebels sa cargo ship sa Red Sea.
Masami nga gina-anunsyar kada Lunes ang aktwal nga price adjustment nga ginapatuman pagkasunod nga adlaw.