Paspasi na ang paghulog sang entries sa One Two Panalo Part 25 Promo, Araw-araw Balde-Baldeng Pa-premyo na, May Cash-Siyahan Pa nga opisyal na nga ginlunsyar sang dululungan nationwide subong nga adlaw, Nobyembre 8 kun sa diin P7 million ang total prizes nga igapanagtag.
Sa sini nga promo, may magadugang na naman sa Bombo Millionaires Club bangud P1,000,000 ang grand prize sa grand draw.
Magluwas sa grand prize, may regional prize winners pa para sa National Capital Region, Luzon, Visayas kag Mindanao nga ginalakipan sang P75,000 cash para sa 1st prize; P50,000 cash para sa 2nd prize; P30,000 cash para sa 3rd prize; kag apat ka consolation prize winners nga magabaton sang tag-P5,000 kada isa.
Sugod sa Nobyembre 15, may tatlo ka daily winners halin Lunes tubtub Byernes, nga magabaton sang P1,000 cash kag P500 worth of gift pack nga ginalakipan sang 11 ka Bioderm Bloom Pink soap, isa ka Holiday corned beef kag duha ka Young’s Town corned beef nga nasulod sa balde sang Orocan.
May yara sang anom ka oras ang winner agud nga iclaim ang iya premyo.
Gani bakal na sang mga produkto nga magamit bilang proof of purchase sa One Two Panalo Part 25 Promo.
Kinahanglan mo ang isa ka label cover sang Efficascent Oil Extra Strength nga 25mL, 50mL, 100mL ukon 235mL.
Pwede man makahulog sang isa ka sticker sang Orocan products ukon coupon nga may isa ukon tanan nga title sang promo sang Bombo Radyo; isa ka empty sachet sang Dr. Wong’s Papaya Soap 60 grams; R. Florete Pawnshop & Jewelry – one coupon for every P5,000 minimum purchase of jewelry or pawned item; kag label sang anuman nga produkto sang Syngenta.
Ang label ukon coupon sang nabakal nga produkto ang isulod sa puti nga sobre, sulatan sang imo ngalan, address, edad, contact number, pirmahan, butangan sang week number kag ngalan sang produkto nga gingamit.
Pwede ini mahulog diri sa estasyon sang Bombo Radyo kag sa drop boxes sa drop box centers diri sa Bacolod kag out of town.
Gin-agda ni Bombo Daniel Lecciones, station manager sang Bombo Radyo Bacolod, ang mga tagpalamati sang estasyon nga maghulog na sang entries bangud wala sag hocus pocus ang mga promo sang Bombo Radyo kag mas dako ang tsansa nga magdaog kun madamo man ang entries nga ginhulog.
