Nagpanindugan ang administative officer III sang Philippine Charity Sweepstakes Office (PCSO)-Negros Occidental nga random ang pagpili sang winning numbers sa Lotto kag ang draw ang gina-air man agud mapabilin ang transparency.
Sa interview sang Bombo Radyo Bacolod kay Cornelio Vicente Umilin, ang Lotto ang game of chance kag ang sa 6/55, may yara sang 29 million probability nga magdaog ang bettors ukon nagtaya.
Suno kay Umilin, ang number combination nga nadag-an sang 433 ang combination nga dako ang tsansa bangud ang winning numbers ang multiples of 9.
Mahimo nga malawig naman ang tinion ang pagtaya sang mga nagdalaog sa number combination.
Ginpahayag man sini nga ang tatlo sa 433 nga nagikan sa Negros Occidental ang ginalakipan sang duha sa Bacolod kag isa sa Pontevedra, Negros Occidental.
Suno diri, kun magdaog ang bettor sang P500, 000 panubo mahimo sini makuha ang nadag-an sa provincial office sang PCSO apang kun ini ang nagdangat na sa masobra P500 mil, kuhaon niya na ini sa main office sang PCSO sa Manila.
Pabor man ini nga imbestigaran sang senado ang PCSO agud makita kun may yara sang anomalya sa ahensya kag madula man ang pagduda sang mga nagataya sa Lotto.
Aminado man ini nga una naman ini nga tion nga may pinakadamo nga nagdaog sa 6/55 bangud ang masami nga nagakatabo anum lamang ang mga winners kag wala na nagalapaw.
Nagpanugyan man ini nga indi magpati sa nagahatag sang tip bangud random nga ginapili ang mga winning numbers kag sila mismo nga empleyado ang ginapahanugutan nga magtaya wala sang bisan sin-o ang makabalo sang magwa winning number combination.
