Oplan Harabas sang Land Transportation Office kag PDEA-NIR nangin madinalag-on

Nangin madinalag-on ang ginpatigayon nga Oplan Harabas sang Philippine Drug Enforcement Agency (PDEA)- Negros Island Region kag Land Transportation Office – Negros Island Region.

Sa interview sang Bombo Radyo kay Agent Jan Keith Capili, tagpamaba sang PDEA- NIR, nangin madinalag-on ang Oplan Harabas sa north terminal sa ciudad sang Bacolod para sa mga drivers sang bus, jeepney, tricycle, truck kag mga konduktors.

Suno diri, nagkooperar man ang tanan kag wala sang may nagpamalibad.

Apang kun may yara man sang magpamalibad, ila ginapa-intindi kun ano ang purpose sang aktibidad.

Pahayag ni Capili, ang pagpatigayon sang Oplan Harabas nagapasiguro sang safety sang riding public kag pag-implementa sang anti drug campaign.