Apat ka truck drivers nagpositibo sa surprise drug test sa idalom sang Oplan Harabas nga ginpatigayon sang Philippine Drug Enforcement Agency- Negros Island Region kag Land Transportation Office – Negros Island Region sa north terminal sa ciudad sang Bacolod.
Sa interview sang Bombo Radyo Bacolod kay LTO-NIR Director Jeck Conlu, kapin 200 ka drivers kag conductors ang ginpaidalom sa surprise drug test kag may apat ka truck drivers ang nagpositibo.
Ini ginalakipan sang duha ka residente sang Escalante City, isa ka residente sang Sagay City kag isa ka residente sang Murcia.
Suno kay Conlu, ginkumpiskar ang driver’s license sang mga nagpositibo kag ipadala ang tanan nga sample sa probinsya sang Iloilo para sa confirmatory test.
Kun mag negatibo ang mga nagpositive, mahimo man ibalik ang mga driver’s license sang mga drivers.
