BACOLOD CITY-Masobra sa P100,000 ang balor sang suspected shabu nga nakumpiskar sang mga otoridad sa duha ka mga suspetsado kasunod sang buybust operation sa Purok Rosas Pandan, Sitio, Sibucao, Brgy. Banago ciudad sang Bacolod.
Pebrero 22 sang gab-i sang ginpatigayon sang City Drug Enforcement Unit (CDEU) ang buybust operation kun sa diin naaresto sanday George Bendol, 55-anyos kag Jared Villar, 32, nga lunsay residente sang nasambit nga lugar kag pareho nga street level target.
Nakuha sa paghinakop sang mga ini ang P1,000 nga marked money, 4 ka elongated sachet sang suspected shabu lakip na ang buybust item kag pila ka mga drug paraphernalia.
Nagabug-at sang 15 grams ang suspected shabu nga nakumpiskar sa mga suspetsado kag ginabanta nga nagabalor sang P135,000.
