Gin-aprubahan na sang Sangguniang Panlungsod sa Bacolod City ang P17 million nga financial assistance para sa mga atleta nga magahampang sa Palarong Pambansa nga patigayunon sang Agusan del Sur nga magabukas sa Mayo 24.
Sa interview sang Bombo Radyo Bacolod kay Councilor Al Victor Espino, Chair, Committee on Education, ang delegation sang Bacolod City nga magahampang sa Palarong Pambansa 2026 ang pagapangunahan ni Dr Dennis Develos, Officer in Charge, District Superintendent, DepEd Division of Bacolod City.
Suno Kay Espino, nagalaom ini nga paagi sa naaprubahan nga pondo mabatyagan sang mga atleta ang suporta sang ciudad sa ila sa pagpanguna ni Bacolod City Mayor Greg Gasataya.
Nagapangabay man ang konsehal nga paagi sa ginahatag nga suporta sang ciudad makadala pauli sang madamo nga medalya ang mga atleta.
Mensahe sini sa mga atleta nga magahampang sa Palarong Pambansa ” Break a leg and bring home the bacon”.
