Mahimo na nga mabakal ang high quality nga bugas sa presyo nga P20 kada kilo sa mga Kadiwa Centers sa participating Local Government Units sa bug-os nga pungsod sumugod sa Mayo 2.
Suno kay Department of Agriculture Secretary Francisco Tiu Laurel Jr, ang mga indigents, senior citizens, solo parents kag persons with disabilities lang ang makabakal sang barato nga bugas sa mga Kadiwa centers kag pwede makabakal sang tubtob 40 ka kilo kada bulan.
Sa mga participating LGUs, mahimo nila matanyag ang P20 kada kilos nga bugas para sa tanan sa ila nasakupan nga lugar.
Dugang pa ni Laurel, ini ang kabahin sang “Bente Bigas Mo” pilot program sa Visayas kag 10 ka LGUs kon diin ang NFA rice ang mabakal sa P33 kada kilo bangud sa National Food Security Emergency.
Plano sang DA nga ipatuman ang programa tubtob Disyembre subong nga tuig ukon Pebrero sa masunod nga tuig.
Ang Food Terminal Inc ang magabakal sang bugas sa National Food Authority nga may 7.56 millions bags tubtob Abril 24 kag makaigo para sa national comsumption sa sulod sang 10 ka adlaw.
Nagligad nga semana, gin-anunsyar ni Lauren ang bag-o nga rice program ang maga-umpisa sa Visayas region kalakip na sa Western Visayas, Central Visayas, Eastern Visayas kag Negros Island.
Sa Visayas, ang purchase limit kada pamilya ang gintalana sa 10 kilos kada semana ukon 40 kilos kada bulan.
