BACOLOD CITY-Nagdangat sa P4.4 million ang market value sang nakompiskar nga pork kag pork products sang Provincial Veterinary Office ukon PVO sang Negros Occidental bangud ginapatihan nga kontaminado sang African Swine Fever (ASF).
Sa interview sang Bombo Radyo Bacolod kay Provincial Veterinarian Dr. Renante Decena, ginpahayag sini nga sa pihak sang hugot nga kampanya sang PVO batok sa iligal nga pagpasulod sang pork kag pork products, may yara sa gihapon sang luyag nga magpalusot apang natigayon man nga maintercept sang Task Force ASF.
Ginatutukan nila sa karun ang mga entry point sa Negros Oriental kag mga airports.
Suno kay Decena, kalabanan sa nakompiskar ang mga wala sang label nga ginapatihan nga gina-repack kag wala sang mga manufacturer’s adress ang produkto.
Sa karun, halos tanan nga LGU sa probinsya ang may gindesignar na nga ASF Task Force ilabi na sa mga boundaries kag entry points.
