Nabaton na sang provincial government sang Negros Occidental ang P50 million nga assistance halin sa Office of the President para sa evacuees sang paglupok sang bulkan Kanlaon.
Sa interview sang Bombo Radyo Bacolod kay Negros Occidental Provincial Administrator Atty. Rayfrando Diaz, sang Disyembre 26 mismo ang provincial treasurers office ang nagpadulong sa Malacañang para batonon ang P50 million nga quick response fund.
Suno diri, ang ini nga pondo ang gamiton agud mahatag ang kinahanglan sang mga evacuees.
Ginahulat na lamang ang procedures halin sa provincial treasurers office kag budget officer kun ano ang mga nagapanguna nga dapat gamitan sang pondo.
Madumduman nga nagrequest man ang Office of the Civil Defense- Region 6 sang dugang nga P500 million nga assistance apang ini ang subject for confirmation pa.
