9.1 million pesos nga balor sang suspected shabu ang nakumpiskar sa ginpatigayon nga buybust operation sang Bacolod Police Station 3 sa Bangga Subay, Barangay Banago ciudad sang Bacolod kagab-i.
Ginkilala ang mga suspetsado kanday Sunny Capa, 22-anyos nga ginakabig bilang high-value target kag isa ka drug surrenderer kag si Ely Lorence Sazon, 20-anyos kag lunsay mga residente sang Purok Mahimulaton, Barangay Banago.
Natigayon nga makuha sang kapulisan sa ila possession ang napulo tanan ka mga heat sealed transparent plastic sachets sang ginasuspetsuhan shabu lakip na ang buybust items, P1,000 nga buybust money kag coin purse.
Ginabanta nga nagabug-at sang 610 grams ang narekober nga iligal nga druga.
Priso karon sanday Capa kag Sazon sa Police Station 3 kag natalana nga pasakaan sang kaso sa paglapas sang Republic Act 9165 ukon Comprehensive Dangerous Drugs Act of 2002.
