Madamo sang pamaagi para madula ang stress apang may yara sang stress-relief trend subong sa China kun sa diin linibo ka mga may edad na ang nagasalig sa adult pacifier para mapahagan-hagan ang ila stress.
Halin sa stress sa trabaho, problema pinansyal tubtob sa mga relationships kun sa diin ang moderno nga pagpangabuhi subong puno sang problema nga nagaresulta sa anxiety.
Apang sin-o ang maglaum nga ang pacifier makabulig sa paghagan-hagan sang stress.
Sa China nagsikat ang adult pacifiers nga ginabaligya bilang stress kag anxiety relief products ukon sleep aids.
Suno sa Chinese psychologists, kun ang tawo stress kag madamo sang problema kun kaisa nagabalik ini sa early stage sang development kag ang pacifier nagasimbolo sang security kag comfort.
Santo sa report, madamo sa mga naga-usar sang adult pacifier naghambal nga nagakabuhinan ang ila stress kun nagakagat sila sa pacifier samtang nagatrabaho, samtang ang iban naman naghambal nga mas maayo na ang ila pagtulog kag may yara man sang nagpabutyag nga nakabatyag ini sang kakalma kaangay sang isa ka lapsag.
Apang, suno sa eksperto ang madugay nga paggamit sang pacifier mahimo magresulta sa seryuso nga konsekwensya sa ikaayong lawas.
