Ginbasol ni U.S. President Donald Trump si former U.S. President Joe Biden sa padayon nga pagsaka sang presyo sang mga balaklon sa Estados Unidos.
Ini matapos sang primetime speech sini sa vening address sa White House kun sa diin ginpabugal ni Trump ang mga nahimo sang iya administrasyon lakip na ang pagbuhin sang illegal border crossings kag ang pagnubo sang presyo sang pila ka mga produkto.
Apang, gamay lamang ang iya ginpresentar nga bag-o nga mga reporma agud atubangon ang mataas nga gastuhanon sang mga Amerikano.
Gin-anunsyo man sang Presidente ang pagpanagtag sang “warrior dividend” nga 1,776 dollars para sa 1.45 milyon ka mga miyembro sang U.S. military kag ang iya pagsuporta sa bulig-pinansyal sa publiko.
Apisar nga gin-ako ni trump nga padayon ang pagtaas sang presyo sang mga balaklon, ginpahayag sini nga “poised” ukon handa ang ekonomiya nga magsaka sa masunod nga tuig bangod sang iya mga palisiya sa buwis, taripa, kag plano nga pagbag-o sa pagdumala sang U.S. Federal Reserve.
Samtang, ginbatikos naman sang mga Democrat ang pahayag ni trump bangud suno diri kulang ini sa mga konkreto nga solusyon sa problema sang affordability ilabi na sa nagahilapit nga midterm elections sa masunod nga tuig.
