Pader nga gintukod sa tunga sang creek sa Brgy 20, Bacolod City, ginbakbak na

Nabakbak na ang pader nga gintukod sa tunga mismo sang creek sa Purok Santol, Barangay 20.

Madumduman nga gindagdag sang Cease and Desist Order (CDO) ang establishmento bangod naggamay na lang ang gina-iligan sang tubig tuga sang pader nga gintukod.

Suno kay Bacolod City Administrator Atty. Mark Mayo, matapos ginserbe ang CDO, nagcomply man gilayon ang tag-iya kag sila na mismo ang nagguba sang pader.

Suno diri, ginalauman nga mapahagan-hagan ang baha sa area bangod ligwa na ang pag-ilig sang tubig.

Pahayag ni Mayo, nagaggiyo gid ang LGU basta may yara sang mga nagabayolar kag kun indi man maggiyo ang property owner, sila mismo ang mademolish sang pader.