Gin-ako sang Houthi rebels sa Yemen ang pag-atake sa duha ka oil tankers nga Encelia kag Layla sang Saudi Arabia sa Red Sea.
Suno sa ila military spokesperson nga si Yahya Saree, gintarget ang mga barko gamit ang mga missile kag drone bangud sa paglapas sa ginpatuman nila nga naval blockade batok sa mga barko sang Saudi Arabia.
Suno diri, nagpaandam ang Houthis nga padayunon nila ang ila naval operations kasubong man ang pagpatuman sang ginatawag nila nga “siege for a siege equation.”
Una na diri, ginkumpirmar sang Saudi Press Agency nga naigo ang barko nga Encelia samtang nagabyahe sa Red Sea.
Sa karon wala pa sang kumpirmasyon kun ano kadako ang halit sa ikaduha nga barko samtang gindeklarar naman sang mga otoridad nga luwas ang mga tripulante.
Madamo na sang oil tanker ang napilitan nga mag-agi sa lain nga ruta agud malikawan ang Bab el-Mandeb Strait.
