Ginapasunod lamang ang pagrasyon sang tubig sa nagakalainlain nga mga lugar sa ciudad sang Bacolod partikular na sa mga ka-purokan nga ginakulang sang tubig.
Ang Bacolod City Government ang nagpartner na sa duha ka water companies nga ginalakipan sang Manila Water Company Incorporated kag Manila Water Foundation kasubong man sa pila ka Volunteer Fire Brigades kag iban pa nga mga shareholders, agud mapatigayon ang “Patubig sa Barangay” initiative ni Bacolod City Mayor Alfredo “Albee” Benitez.
Sa interview sang Bombo Radyo Bacolod kay Atty. Ceasar Distrito, spokesperson ni Mayor Albee Benitez, una na nga nakapatigayon sang water rationing sa pila ka mga Purok sa Barangay Mandalagan, Villamonte, Handumanan kag pila ka mga numbered Barangay.
Bilang Punong Barangay sa Barangay Singcang-Airport, si Distrito ang nakapadala naman sang request bangod may mga kapurokan man ini nga nagakinahanglan sang tubig, apang ini ang ginschedule pa para sa distribution.
Apang paathag ni Distrito nga ang Patubig ni Mayor ang indi potable water ukon indi ma-inom kag ini ang para lamang sa pang-adlaw adlaw nga galamiton kaangay sang pangligo, hugas pinggan kag iban pa.
Ini ang nakita nga alternatibo nga paagi sang alkalde nga magapadayun tubtob nga wala pa sang nagakaigo nga supply sang tubig sa ciudad.
Suno diri, nagadangat sa 400 tubtob 1,000 household ang sarang nila ma-akomodar kada adlaw.
Sa pihak nga bahin, gindeklarar naman bilang temporaryo nga acting Mayor sa ciudad sang Bacolod si Councilor Israel Salanga humalin subong nga adlaw tubtob bwas.
Ini kasunod sang paglupad ni Mayor Benitez padulong sa Hong Kong upod ang mga Punong Barangay sa ciudad.
