Madamo sang bagay nga nagakatabo nga kun kaisa indi na naton mahangpan kaangay lamang sang pag-ulan sa panahon sang tag-ilinit apang sa pungsod Honduras may yara sang nagakatabo sa ila nga phenomenon kada tuig nga tubtob sa karun indi nila maintindahan.
Ini ang pag-ulan sang isda nga ginatawag nga “Lluvia de Peces.
Madamo naman sang lugar sa kalibutan ang nakareport nga may yara sang pag-ulan sang isda apang sa banwa sang Yoros sa Honduras ini ang nakatabo kada tuig kag kun kaisa makapila pa ka beses sa isa ka tuig.
Sa karun ang Lluvia de Pesces ang ginaselebrar sa tunga-tunga sang Mayo kag Hunyo ukon masami matapos ang tuman ka baskog nga bagyo.
Ang indi maintindihan sang tanan amo ang apisar nga nagakatabo ini sa kada tuig wala sang may bisan isa nga nakakita nga ang isda ang nahulog nagikan sa langit.
Apang may yara sang photographic kag video evidence sang ginatos ka isda nga naglinapta sa lugar kasunod sang mabaskog nga bagyo apang indi ini mapahayag nga simple nga eitorya lamang bangud madamo naman nga mga scientist ang nag-imbestigar sang phenomenon agud nga mahatagan sang nagakaigo nga paathag ang nagakatabo nga phenomenon.
Kun hambalan ang Lluvia de Peces, kalabanan sang mga tawo sa banwa sang Yoro ang ginapaanggid ang hitabo sa legend sang Spanish missionary nga si Father Jose Manuel Subirana, nga nagbisita sa ila sang 1850s ukon 60s.
Matapos nga makita ang kapigaduhon sang mga tumandok, nagpangamuyo ini sang tatlo kaadlaw kag tatlo kagab-I sa pagpangayo sa Ginoo nga maghatag sang pagkaon para sa ila.
Isa ka adlaw, ang kahawaan ang nangin madulom kag ang mga isda ang nag-umpisa sa pag-ulan nagikan sa langit diri naghalin ang pagtawag sang Phenomenon nga Lluvia de Peces.
