Wala ginpahanugutan sang International Criminal Court (ICC) ang personal nga pagbisita sang pamilya ni anay Presidente Rodrigo Duterte sa patigayunon nga apat ka adlaw nga pre-trial “confirmation of charges” hearing.
Nahibaluan nga magasugod na subong nga adlaw ang confirmation of charges hearing ni former Pres Duterte sa ICC sa The Hague, Netherlands.
Suno sa pamilya Duterte, tawag lamang sa telepono ang ginpahanugutan sang ICC sa ila.
Samtang, kumpirmado nga anom ka mga Pilipino nga abogado ang magatambong sa hearing agud masiguro nga maipresentar sang husto ang anay Presidente.
Kaupod diri sanday anay executive secretary Salvador Medialdea, anay presidential chief legal counsel Salvador Panelo, kag anay labor secretary Silvestre Bello III.
Upod man sanday anay Secretary sang Land Transportation Franchising and Regulatory Board (LTFRB) nga si Martin Delgra; anay Secretary sang Bureau of Internal Revenue (BIR) nga si Cesar Dulay; kag si Alfredo Lim, ang anay presidente sang Philippine Amusement and Gaming Corp.
Nagpasalamat ang pamilya Duterte sa legal team sang anay Presidente bangod sang ila padayon nga serbisyo, subong man sa Filipino community sa The Hague nga nagasuporta kag nagapakita sang pagpalangga kay Duterte.
