Ginpahayag sang Commission on Elections nga ginalauman sini ang pagdamo sang 2025 election aspirants nga magfile sang ila certificates of candidacies kag nominations sa masunod nga duha ka adlaw kag ginpahayag nga katunga sa ginalauman nga party-list registrants ang nakalodge na sang pormal nga intensyon nga magpadalagan para sa midterm polls.
As of October 6, ang Comelec ang nakaproseso na sang 78 ka mga COCs para sa senatorial aspirants kag 87 ka party-list organizations suno kay Comelec chairperson George Garcia.
Ginalauman sang poll body ang 160 ka mga party lists nga magparehistro para sa 2025 elections.
Nagpahanumdum naman si Garcia sa mga luyag nga magpapili nga magpadulong sa mga venues sang timprano pa ukon ipadala ang ila staff in advance agud matsekyar sang Comelec kun may yara ang mga ini sang kulang nga requirements.
Ginalauman naman nga batunon sang commission ang tanan nga certificates of candidacies kag nominations bangud ang ministerial lamang ang task sang poll body suno kay Garcia.
