Nagapanawagan ang presidente sang United Sugar Producers Federation of the Philippines (UNIFED) sa Department of Agriculture nga buligan ang mga small planters sang tubo sa pungsod nga apektado sang El Niño.
Sa interview sang Bombo Radyo Bacolod kay Manuel Lamata, ang makalulu-oy sa karun ang small planters sang tubo nga naapektuhan sang El Niño bangud mabudlayan ang mga ini sa pagbakal sang patdan bangud tuman na ini kamahal sa karun.
Suno kay Lamata, sang una makabal pa sila sang P2000 ukon masobra sa kada laksa sang patdan apang sa karun nagdangat na sa P7000 ang kada laksa.
Suno diri, kun ang gobyerno ang nagahatag sang binhi agud nga ibulig sa mga nagapanguma sang humay, kuntani magabulig man ini sa pagbakal sang patdan agud nga ipanagtag sa mga small farmers agud nga may itanum.
Suno kay Lamata, dapat ang unahon sang gobyerno ang mga magagmay nga planters bangud ang mga dalagko ang may ikasarang man sa pagbakal sang patdan.
