Ginkalipay sang pila ka mga manunudlo ang pagpa-untat sa paggamit sang mother tongue bilang medium of instruction humalin Kindergarten tubtob Grade 3.
Sa interview sang Bombo Radyo kay Leo Ceralbo, principal sang Handumanan Elementary School 2, ginpasalamatan sini ang pag-pasar sang Republic Act No. 12027 nga nagpa-untat sang paggamit sang mother tongue nga suno sa iya nagapa-isol lamang sa learning process sang mga kabataan sangsa sila ang maga-move forward sa ila nga pagtuon.
Para kay Ceralbo, ang mother tongue ang nagatuga sang confusion sa mga kabataan nga nagaapekto man sa pagnubo sang rate sang Pilipinas sa Programme for International Student Assessment (PISA).
Suno sa principal, ini ang ginkalipay man sang mga manunudlo bangod nga mabuhinan ang ila subject nga ginatudlo kag mas makafocus sa mga subject nga mas importante kaangay sang English kag Mathematics kasubong man ang reading comprehension sang mga kabataan nga nagapanguna nga problema sa mga buluthuan.
Pahayag ni Ceralbo, ang mother tongue ang maggamit sa gihapon sang manunudlo sa pag-explain apang indi sa tanan nga tion nga makadugang sa confusion sang mga estudyante.
