-- ADVERTISEMENT --
Ginpahayag ni Israeli Prime Minister Benjamin Netanyahu nga ang pagpatay kay Hamas chief Yahya Sinwar sa Gaza Strip ang panugod sang katapusan sang isa ka tuig nga gyera sa Palestinian territory.
Suno sa Israeli military, matapos ang malawig nga pagpangitaay, natigayon nga napatay sang tropa si Yahya Sinwar, ang pinuno sang Hamas terrorist organisation sa isa ka operasyon sa sur nga bahin sang Gaza Strip.
Wala naman ginkumpirmar sang Hamas ang kamatayon sini.
Suno kay Netanyahu, nga nagpromisa nga lutuson ang Hamas sa pagsugod pa lamang sang gyera, ang gindayaw ang pagpamatay ni Sinwar kag ginpahayag nga apisar nga indi ini ang katapusan sang gyera sa Gaza, ini ang panugod na sang nagahilapit nga pagtakop sini.
