Welcome para sa chairman sang Commission on Elections ang isa ka proposal nga nagapahanugot sa mga kandidato sa 2025 elections nga magpaidalum sa mga drug test kag i-attach ang ila mga resulta sa ila certificate of candidacy.
Ini apisar nga indi required ang drug tests para sa mga election candidates matapos nga gintawag nga unconstitutional sang Korte Suprema ang isa ka provision sa Comprehensive Dangerous Drugs Act nga nagamando sang drug test sa tanan nga magapapili sa public office.
Suno diri, maayo ini nga proposal kag wala sang makakontrolar sa isa ka kandidato kun luyag sini nga mangin transparent kag magdugang sang isa ka certification nga indi ini addict.
Pagabatunon ini sang Comelec apisar nga indi ini mandatory apang wala sang may makapugong sa isa ka kandidato kun luyag sini nga pamatud-an nga indi ini imbolbado sa illegal nga druga.
Ini ang nangin reaksyon ni Garcia sa House Bill 10744 nga ginfile ni Davao City Congressman Paolo Duterte nga may tinutuyo nga i-amend ang Republic Act 9165 ukon ang Comprehensive Dangerous Drugs Act of 2002.
