Patay ang 28-anyos nga lalaki matapos ginbuno sa Spur 7, Purok Estiwetis, Barangay Bagong Silang, banwa sang Don Salvador Benedicto alas-11:30 kagab-i, Hunyo 5.
Ginkilala ang biktima nga si alyas ‘Makmak’, 28-anyos, wala sang asawa nga residente sang resident sang Purok Avocado, Barangay Bunga, Salvador Benedicto samtang ang suspect naman ang ginkilala nga si alyas ‘Ricky’, 24-anyos, lalaki, wala sang asawa kag residente sang Purok Humayan, Barangay Bagong Silang sa nasambit nga banwa.
Sa inisiyal nga imbestigasyon sang Don Salvador Municipal Police Station, samtang naga-tindog ang biktima sa tunga sang dalan, ginpalapitan siya sang suspect kag hinali nga ginbuno kag nag-igo sa nawala nga bahin sang iya nga dughan.
Nagpalagyo si alyas ‘Ricky’ matapos ang krimen samtang, si alyas ‘Makmak’ ang ginhingangaw pa dala sa San Carlos City Hospital apang gindeklarar nga dead on arrival.
Natigayon naman nga naadakpan ang suspect sa ila lamang puluy-an sa ginkasa nga hot pursuit operation.
Ginalantaw pagpangimon ang rason sa pagpamuno.
