Gin-ako sang New Peoples Army ang pagpatay sa 35 anyos nga mangunguma sa Sitio Vergara, Barangay Bug-ang, Toboso, Negros Occidental kapin alas-6:45 kahapon sang aga.
Ang biktima ang ginkilala nga si Alyas Bemboy, 35 anyos, kasado, residente sa lugar.
Siya ang papauli na kuntani matapos magdul-ong sa iya bata sa Elementary School sa Sitio Magto-od sang siya ang ginbangga-an sang ginabanta duha ka persona kag ginluthang sa nagkalainlain nga bahin sang iya lawas.
Sa interview sang Bombo Radyo kay Police Capt Rene Boy Eduardo, officer in charge sang Toboso Municipal Police Station, gin-ako sang NPA nga sila ang nagpatay kay Alyas Bemboy.
Suno diri, wala sang ano man nga record sa Brgy ukon sa Police station ang biktima kag wala man ini makaagi preso.
Pahayag ni Eduard, kumbinsihon sini ang pamilya nga magpasaka sang kaso samtang sa karun wala pa man sila sang makabig nga person of interest.
