Nagapati ang Department of Agriculture nga maengganyo pa ang mga mangunguma sa pungsod nga padayon nga magtanom sa tion nga mapatuman na ang floor price sa humay.
Suno kay DA Spokesperson Assistant Secretary Arnel de Mesa, makasigurado ang mga mangunguma nga sa tama nga presyo mabakal ang ila nga mga ginpang-ani nga humay.
Nalakip sa ginatun-an nga floor price sa humay ang mga trader kag indi lang National Food Authority.
Ginatun-an man sang ahensya ang mga legal nga pamaagi sa idalom sang Price Act, Anti-Agricultural Economic Sabotage Law kag iban pa nga mga layi.
Tinutuyo sang nasambit nga tikang ang masiguro nga mahatagan sang nagakaigo nga proteksyon ang mga mangunguma batok mga abusado nga mga trader.
Santo sa datos sang ahensya, magalab-ot sa 32 nga lugar sa Luzon kag Mindanao ang may manubo nga presyo sang baklanay sang mga trader sa humay kun sa diin nagasadsad ini sa P15 kada kilo.
