Ginpahayag sang spokesperson sang Bacolod City Police Office nga yara kay Regional Director Brigadier General Rene Pamuspusan ang desisyon tuhoy sa pagrelieve sa station commander sang Bacolod City Police Station 3 matapos makapalagyo ang apat ka mga priso.
Sa interview sang Bombo Radyo kay Police Lieutenant Colonel Ariel Pico, ginkompirmar sini nga si BCPO Director Police Colonel Henry Biñas ang nagrecommend sa regional director nga irelieve si Police Major Ruel Culanag kag may yara sang napulo ka adlaw nga hulaton sang BCPO antes permahan ni Pamuspusan ang rekomendasyon.
Suno kay Pico, yara gihapon sa headquarters sang Bacolod Police Station 3 si deputy station commander Police Lieutenant Virgel Valdepeña kag station commander nga si Police Major Ruel Culanag samtang restricted naman ang desk officer nga si Police Corporal Orweyn Jade Nadado kag jailer nga si Police Staff Sergeant Eric Olverio.
Suno sa spokesperson, kun ano man ang ipasa nga eksplenasyon ni Nadado kag Olverio, diri mabase ang administrative sanction nanday Valdepeña kag Culanag.
