Nagahanda sang walo ka putahe ang mga Chinese sa tion sang Chinese New Year.
Sa interview sang Bombo Radyo kay Bombo International News Correspondent Mailyn Docto Prado, direkta sa Hong Kong ang mga Chinese ang may yara sang bakasyon nga 15 ka adlaw kadungan sang selebrasyon sang Chinese New Year.
Suno kay Prado, ang mga Chinese ang nagapati nga dapat matinlo ang balay antes ang bag-ong tuig gani sila nga mga helpers ang tuman kasako sa pagpanglimpyo.
May mga nabaton naman sila nga mga incentives gikan sa ila nga mga amo kag advance naman nga ginhatag ang ila nga sweldo.
Ini bangud nga ang mga Chinese ang wala nagapagwa sang kwarta matapos magsugata sang bag-ong tuig.
Ang mga Chinese nga ila mga amo ang nagabugtaw antes magsugata sang bag-ong tuig agud nga magsinadya kag maginestorya.
Sa aga naman sang bag-ong tuig ang ila mga amo ang wala nagapamahaw sang usual nga ginaserbe sa ila, sa baylo sila ang nagakaon sang tikoy kag iban pa.
Wala man ang mga ini nagabutang sang tipulon nga prutas para pampaswerte.
Galante man ang mga Chinese sa pagbutang sang mga dekorasyon para sa selebrasyon sang Chinese New Year.
