Gintamyaw ni Kathyrn Bernardo ang abyan sini nga si Dominic Roque sa iya nga ika 34th birthday.
Sa instagram stories, gin-share sang aktres ang litrato nila ni Dominic nga nagapose sa atubang sang camera samtang nagasandig sa isa ka bangka.
Ginbutang ni Kathryn sa iya nga caption nga “Birthday boi” kag gintag ang actor.
Nagpost man ini sang litrato gikan sa birthday celebration, kun sa diin nakita ini nga nagauyat sang pinggan nga may yara sang slice sang cake kag ang cute boomerang selfie nila.
Nahibaluan nga suod nga mag-abyan si Dominic kag Kathryn bangud nangin kabahin ang mga ini sang Nguya Squad.
Ang nasambit nga grupo ang ginabug-usan nanday Daniel, Kathryn, Dominic, Ria Atayde, Aeriel Garcia, Gabbi Garcia, Patrick Sugui, Marco Gumabao, kag Khalil Ramos.
Una na nga ginpanginwala ni Dominic ang huring huring nga nagapangaluyag ini kay Kathryn sabaylo nagpahayag ini nga ang aktres ang kaangay lamang sang iya nga manghod.
Ang aktor ang engaged sadto kay Bea Alonzo, apang nakumpirmar nga nagbulaganay ang duha sang Pebrero.
