Gin-anunsyo sang Estados Unidos nga wala pa sang time frame para tapuson ang giyera sa Iran.
Ini matapos ginpahayag sang Iran nga imposible nga mabuksan liwat ang Strait of Hormuz.
Sa subong, nagapadayon ang paghanda para sa pagpadayon sang peace talks sa Pakistan.
Suno kay Iranian President Masoud Pezeshkian, nagapabilin nga bukas ang Iran sa mga diskusyon apang iya ginpahayag nga isa ka nagapamalabag sa negosasyon amo ang paglapas sang U.S. sa ila nga commitments kasubong man sang ila nga naval blockade sa Iranian ports.
Nagapabilin naman sa Amerika si US Vice President JD Vance nga ginalauman nga magapanguna sa delegasyon sang Amerika sa peace talks sa Pakistan.
Apisar una na nga ginpalawig ni US President Donald Trump ang ceasefire, ginpahayag ni House Press Secretary Karoline Leavitt nga “open-ended” ang ceasefire extension kag wala pa sang bag-o nga deadline tuhoy diri.
Sa pihak nga bahin, nagpamahog naman si Israeli Prime Minister Israel Katz, nga mahimo mabalik ang Iran sa “Stone Age” paagi sa pagpuntirya sang ila mga electricity kag energy facilities, lakip na ang kritikal nga imprastraktura sang ekonomiya.
Samtang nagalala ang tensyon, nagpaandam ang United Nations nga ang nagapadayon nga gyera sang U.S. kag Israel kontra Iran ang mahimo magtulod sang masobra 30 milyones ka mga indibidwal sa kapigaduhon.
