Nagapadayon ang CCTV backtracking sa duwa ka suspek sa pagpangluthang sa 49-anyos nga tricycle driver sa Purok Laroca, Brgy. Sta. Rosa, Murcia, Negros Occidental kahapon, Pebrero 18.
Sa interview sang Bombo Radyo kay Police Captain Honey Labaro, hepe sang Murcia Municipal Police Station, ang biktima nga si Roger Bayotas alyas Abaw, nga residente sang nasambit nga barangay, ang nagabyahe papauli sang hinali lang ini ginluthang sang duha ka wala makilal-an nga lalaki.
Suno diri, ginsundan sang mga suspek nga sakay sa motorsiklo ang tricycle ni Bayotas kag ginluthang ang biktima samtang nagabyahe.
Gindala pa sa Murcia Health Unit ang biktima apang gindeklarar nga Dead on Arrival.
Base sa imbestigasyon sang kapulisan, duha ang nakita nga suspek sa pagpangluthang.
Suno kay Labaro, magatukod sila sang Special Investigation Task Group nga magatutok sa imbestigasyon.
Sa karun, padayon ang CCTV backtracking sang kapulisan agud ma-usisa kun diin naglabay ang mga nagpalagyo nga suspek matapos ang krimen.
