Opisyal na nga nagtakop ang Palarong Pambansa 2026 sa Agusan Del Sur kahapon Mayo 31 kag ginpatigayon ang closing ceremony sa D.O. Plaza Memorial Sports Complex.
Masobra na lamang sa isa ka gatos ang nagtambong sa seremonya kadungan sang pagtakop sang National Games.
Sa Official medal tally, liwat nga gindominar sang National Capital Region (NCR) ang regular sports pagkatapos nga nakakuha sang 91 ka gold, 71 ka silver, kag 71 ka bronze nga medalya.
Ginasundan naman ini sang CALABARZON nga may 55 ka gold, 50 ka silver, kag 60 ka bronze medals, samtang ang Davao Region nagsaka sa ikatlo nga pwesto sini nga tuig nga may 34 ka gold, 32 ka silver, kag 34 ka bronze medals.
Nagsaka sa ikaapat nga pwesto kag ikalima nga pwesto ang Central Visayas kag Western Visayas.
Sa Demo sports, nagdominar ang SOCCSKSARGEN Region, samtang ang Western Visayas ang nagpanguna sa Paragames.
Ang Negros Island Region ang yara sa ika 11 nga pwesto nga may kabug-usan nga 69 ka medalya nga ginalakipan sang 16 gold, 24 silver kag 26 bronze.
Nahibaluan nga ini ang pinakauna nga kahigayunan sang NIR nga nagpasakop sa Palarong Pambansa humalin sang nagsipak ini sa Western Visayas.
