Ginabantayan sa karun sang Negros Occidental Provincial Government ang aktibidad sang Hacienda Asia Plantation Incorporated (HAPI) sa banwa sang Candoni, Negros Occidental.
Nahibaluan nga ang Environmental Management Bureau sang Hunyo 13 ang nagpagwa na sang Cease and Desist Order batok sa HAPI agud nga mauntat ang ila operasyon nga pagquarry sa masobra 6000 hectares nga duta sa Baragay Gatuslao, Barangay Payawan, kag Barangay Agboy sa nasambit nga banwa.
Sa interview sang Bombo Radyo Bacolod kay Negros Occidental Governor Eugenio Jose Lacson, nagasige lamang ang pagpananum sa lugar apang gin-untat ang earth moving activity kag magacomply sa ginapangayo sa ila ilabi na ang Environmental Compliance Certificate.
Samtang ang mga indigenous people naman nga nagareklamo nga nalakip ang ila nga ancestral domain ang mahatagan man sang pagtamod.
Sa karun padayon ang monitoring team sa pagtsekyar sang aktibidad sang kumpaniya sa lugar.
