Dako ang pagpati sang pamilya sang lalaki nga nasapwan nga wala sang kabuhi sa Sicaba River sa Hacienda Bernardita Barangay Caduha-an, ciudad sang Cadiz, Negros Occidental, nga may foul play sa pagkapatay sang ila himata.
Sa interview sang Bombo Radyo kay alyas Nonoy, magulang sang biktima, kaupod sang iya utod si alyas Michael nga naga-inom inom sang nagdesisyon ang duha nga maglakat.
Suno diri, indi man nila mahimo nga magtabok sa suba bangod nga mataas ang tubig.
Santo sa pahayag ni alyas Michael, mahimo nga naglumpat ang biktima sa suba bangod sa iya pagbalikid, wala na ini sa iya tupad.
Dugang pa ni Nonoy, nagasuksok sang tshirt ang iya manghod nga may yara sang apleyido sa likod, apang nasapwan ini nga wala na sang bayo.
Para kay Nonoy, kaangay nga ginkastigo ang manghod sini sang nakita ang iya bangkay.
