-- ADVERTISEMENT --
Pilason ang 47 anyos nga lalaki matapos nga ginbuno sang iya manghod sa Purok Paghida-et, Brgy. Salvacion, Murcia, Negros Occidental, sang Disyembre 25, 2024, alas- 3:00 sang hapon.
Ang biktima ang ginkilala nga si Joemer Piabol samtang ang manghod naman sini amo si Joery Piabol, 37 anyos.
Sa inisyal nga imbestigasyon, naga-inom sang makahulubog nga ilimnon sanday Joery kag manghod sini nga si Joenel sang may nagluntad nga kinagamo sa tunga sang duha.
Ini ang gintambagan ni Jeomer apang siya ang ginbuno ni Joery gamit ang buka nga botelya.
Gilayon nga nalagyo si Joery samtang gindala naman sa Corazon Locsin Montelibano Memorial Regional Hospital si Joemer agud hatagan sang naga-kaigo nga pagbulong.
-- ADVERTISEMENT --
