Nagpanawagan ang pamilya sang mga hostages sa gobyerno ni Israeli Prime Minister Benjamin Netanyahu nga magkasugot na sa isa ka deal sa Hamas nga makahilway sa 120 ka mga hostages nga yara sa Gaza sa sulod sang siyam ka bulan.
Nagpatigayon sang protesta sa Tel Aviv ang mga pumuluyo agud magpanawagan sa gobyerno nga magperma sang isa ka proposed Gaza ceasefire kag hostage deal nga suportado ni US President Joe Biden.
Sang Lunes, ginpahayag ni Israeli Prime Minister Benjamin Netanyahu nga ang Israel ang nagapabilin nga committed sa proposed deal sini kasubong man sa tinutuyo sini nga ubuson ang Islamist militant group nga Hamas.
Humalin sang latest truce deal kun sa diin nahilway ang masobra 100 ka mga hostages, wala na liwat nakapatigayon sang isa ka temporaryo nga ceasefire.
