BACOLOD CITY — Ginpanginbulahan sang Provincial Tourism Office ang tanan nga nagbuligay para sa madinalag-on nga Panaad sa Negros Festival rason nga nangin Grand Winner and Hall of Fame Awardee sa Best Tourism Event – Festival Category sa Association of Tourism Officers of the Philippines – Department of Tourism ukon ATOP-DOT Pearl Awards.
Suno kay Negros Occidental Provincial Tourism Officer Cristine Mansinares, mabakod ang mga kontra sang Panaad sa mga probinsya nagikan sa Luzon.
Ugaling madamo ini sang kinaiya nga nagpierde sa iban pa nga contenders.
Suno kay Mansinares, nakalampuwas ang festival sa sulod sang 24 ka tuig bisan sin-o man nga gobernador ang naglabay.
May yara man sang Tourism Ordinance nga nagamando nga painan gid sang pondo ang Panaad Festival tagsa ka tuig.
Suno pa kay Mansinares, ang Negros Occidental lamang ang nagaisahanon nga probinsya sa bilog nga pungsod nga may permanente nga structure sang mga LGUs sa festival site.
Nangin epektibo man suno sa iya ang provincial government sa pag-engganyo sa mga banwa ukon ciudad nga makigbahin sa festival bisan ano pa ang partido sang alkalde.
Bangud sini, nagasaka ang income sang mother of all festivals sa Negros Occidental kada tuig.
